ಚಿರ ಯೌವನೆ

ವಯಸ್ಸು ದಾಟಿದೆ ಮೂವತ್ತು

ಕೆಟ್ಟು ಕುಳಿತಿದೆ ಸಮಯದ ಮುಳ್ಳು .

ಕಿಲಾಡಿ ಕನ್ನಡಿ ಅವಳ ನೋಡಿ

ಹೇಳಲು ಕಲುತಿದೆ ಹಸೀ  ಸುಳ್ಳು.

ಕೇಶ ರಾಶಿ  ನಶಿಸಿದೆ ಈಗ

ಶೇಷ ಭಾಗ  ಅಪ್ಪಿದೆ ಮುಪ್ಪು

ಆದರೂ ಡೈ' ಪ್ರಭಾವ  ,
ಉಳಿಸಿಕೊಂಡಿದೆ ಇನ್ನೂ ಬಣ್ಣ ಕಪ್ಪು.

ಆಗಾಗ ಮಿಟುಕುತ ಗಂಡನ ಕೇಳುವಳಾಕೆ

'ನಾ ಈಗ ಹೇಗೆ ಕಾಣಿಸ್ತೀನಿ ಹೇಳಿ ?'

ಹಲವು ಕಾಲಗಳಿಂದ ಅಬ್ಯಾಸವಾಗಿದೆ

ಅವನಿಗೆ ಸುಳ್ಳು ಹೇಳಿ ಹೇಳಿ .

ಆದಿನ  ಪತಿರಾಯ ಮನೆಗೆ ಬಂದಾಗ

ನೋಡಿದ ಹೆಂಡತಿ ಕಣ್ಣಲ್ಲಿ ನೀರು

ಗಾಭರಿಯಲ್ಲಿ ಕೇಳಿದ ಅವನು

ನೀ ಯಾಕೆ ಅಳ್ತಿದ್ದೀ 'ಮೈಡಿಯರು'.

ಕಣ್ಣೀರ ಸುರಿಸುತ ಹೇಳಿದಳವಳು

 ನನಗೆ ನಲವತ್ತಾದರೂ   ಕಾಣಿಸ್ತೀನಂತೆ
ಚಿಕ್ಕ ಹುಡಿಗಿಯಂತೆ .

ಅಯ್ಯೋ!ನಿಮ್ಮೆಜಮಾನ್ರುನ್ನ
ನೋಡಿದ್ರೆ ಅನ್ಸುತ್ತೆ 
ಪಾಪ !ನಾಳೆಗೆ ರಿಟೈರಾಗೊರಂತೆ  .

ಅಂತಾಳ್ರೀ ನೆರಮನಿಯಾಕಿ
  ಅವಳ್ಗೆಷ್ಟು ಸೊಕ್ಕು

ವಿಷಯ ತಿಳಿದು ಆದ
ಪತಿರಾಯ  ಬಹಳ ಪೆಚ್ಚು .

ಅವನು ಮೆಲ್ಲಗೆ ಆಡಿಸಿದ
ಕೈಯ ತನ್ನ ತಲೆಮೇಲೆ

ಆಗನ್ನಿಸಿತವನಿಗೆ ಅದು
ಹೊರಗೂ ಆಗಿದೆ  ಕಾಲಿ!