Donku Balada Nayakare

ಡೊಂಕು ಬಾಲದ  ನಾಯಕರೆ

ಡೊಂಕು ಬಾಲದ ನಾಯಕರೆ
ನೀವೇನೇನು ಆಟವ ಆಡುವಿರಿ.

ಚುನಾವಣೆ ಬಂತೆಂದರೆ ನೀವು
ತಗ್ಗಿ ಬಗ್ಗಿ ನಡೆಯುವಿರಿ
ಚುನಾವಣೆಯಲಿ ಗೆದ್ದರೆ ನೀವು
ಓಟು ಕೊಟ್ಟವರ ಒದೆಯುವಿರಿ

ಮಿನಿಸ್ಟರಗಿರಿ ,ಚೇರ್ಮನ್ ಗಿರಿಗಾಗಿ
ಹೈಕಮ್ಯಾಂಡ್ ಮೊರೆಹೋಗುವಿರಿ
ಮಿನಿಸ್ಟರಗಿರಿ  ದೊರೆಯದಿದ್ದರೆ ಅತ್ಹೃಪ್ತಿಯ
ಕುಂಯಿ ಕುಂಯಿ ರಾಗವ ಹಾಡುವಿರಿ.

ಮಿನಿಸ್ಟೆರಗಿರಿ  ದೊರತರೆ ನೀವು
ದೇಶವ ಬೊಕ್ಕಸ  ಹೊಡೆವುವಿರಿ
ಮಿನಿಸ್ತರಗಿರಿ ಕೈಜಾರಿದರೆ ನೀವು
ಬೇರೊಂದು ಪಾರ್ಟಿಗೆ ಧುಮುಕುವಿರಿ .

ಬಡವರೋದ್ದಾರದ  ಬಯಲು ನಾಟಕದಿ
ಹಿರಿಯ ಪಾತ್ರದಾರಿ ತಾವಾಗುವಿರಿ
ಜನಸಾಮಾನ್ಯರ ಬಡತನ ಹೆಚ್ಹಿಸಿ
ನಿಮ್ಮ ಬಡತನ ನಿವಾರಿಸಿಕೊಳ್ಳುವಿರಿ

ಮತ್ತೊಮ್ಮೆ ಚುನಾವಣೆ ಬಂದರೆ ನೀವು
ಬಡತನ ನಿವಾರಣೆ ರಾಗವ  ಹಾಡುವಿರಿ
ಜಾತಿ ಹಣ ಹೆಂಡಗಳ ಬಲದಿಂದ ನೀವು
ಚುನಾವಣೆಯಲಿ ಖಂಡಿತ ಗೆಲ್ಲುವಿರಿ

ವೋಟು ಕೊಟ್ಟವರ  ಮರೆತ ನೀವು
ದೇಶದ  ಬೊಕ್ಕಸ ನುಂಗಿದ ನೀವು
ಜಾತಿ ಮತ ದ್ವೇಷವ  ಹೆಚ್ಚಿಸಿ ನೀವು
ಮುಕ್ಕಣ್ಣನ   ಕೋಪಕೆ  ಕಾರಣರಾದಿರಿ ನೀವು
ಶಿವ  ಮೂರನೆ ಕಣ್ಣ ತೆರೆಯುವ ಮುನ್ನ ನೀವು
ಕೊಂಚ ಒಳಿತನು ಮಾಡಿ  ಬದುಕಿರಿ  ನೀವು .

 .